следете ги нашите активности на mail

site map

Култура

Културни мостови 2018

Јуни 2018

Активностите на Францускиот институт во Скопје во месец јуни се во знакот на прославата на 25 годишнината од воспоставувањето на дипломатски односи помеѓу Франција и Македонија, но и музика и авантури. Следете нè!

Вторник 12 јуни 2018, 20 часот | Македонска опера и балет
Гала концерт во знак на одбележување на 25 години дипломатски односи помеѓу Франција и Македонија
Свечен говор на:
г-дин Никола Димитров, Министер за надворешни работи на Македонија, и 
Н.Е. г-дин Кристијан Тимоние, Амбасадор на Франција во Македонија

Солисти:
Елена Голомеова, сопран (Франција, Македонија)
Жак-Грег Белобо, бас баритон (Камерун, Франција)
Диригент: Иван Еминовиќ
Во изведба на Оркестарот на Македонската опера и балет
Програма: Познати арии на француски композитори

Ве молиме да го потврдите вашето присуство на следниот мејл: culture.ifs@gmail.com
Влезниците се подигнуваат од Францускиот институт во Скопје.

Елена Голомеова, сопран (Франција, Македонија)

Елена Голомеова е родена во Македонија.
Од  2000-та година наваму живее во Франција и активно настапува на сцените на тамошните оперски куќи. Средно музичко училиште завршува во Штип и во Скопје. Потоа заминува во Ница, Франција, каде што завршува студии по соло пеење во класата на М.Ж.Р Гање . Магистрира во Париз во класата на професорката  Жаклин Бонардо.

Од нејзиниот репертоар, меѓу позначајните улоги во Операта Ница се вбројуваат:  Реми во „Без огниште“ од Жан Клод Петит, Жанет  во  ,,Свадбата на Жанет” од Виктор Масе, Матилда во  ,,Наполеон“, Кристина во  ,,Фантом во операта”, Кралицата на ноќта во „Волшебната флејта“ од Моцарт.

Со улогата на Шерубин во ,,Свадбата на Фигаро”, Голомеова дебитира во Националната Опера во Лорен.

Заедно со Жерар Депардје настапува во филмот за животот на Рахмањинов. Таа ја игра и улогата на Деспина од „Cosi Fan Tutte“ со Р. Раимонди во „Плачот на ангелите” во продукција на француската телевизија France 2. 

Голомеова настапува на концерт во Скопје  заедно со Оркестарот на македонската филхармонија. Исто така учествува на бројни реномирани фестивали на Балканот и во Европа. Со филхармонискиот оркестар на Кан  таа настапува во „Реквием“ од Моцарт.
Добитник е на неколку значајни награди, меѓу кои и прва награда за лирско пеење од Националниот конзерваториум во Ница.

Жак -Грег Белобо, баритон-бас (Камерун, Франција, Германија)

Жак -Грег Белобо е роден во Јунде. Денес се смета за еден од најдобрите оперски пејачи.
„Мојата професија бара издржливост и совршеност“, вели овој баритон.
За него сè започнува со добивањето на стипендија, која му овозможува да ги следи првите часови по пеење во Ница во 1997 година. Истата година му се отвораат вратите на Конзерваториумот во Ница. Една година подоцна се запишува на Конзерваториумот во Париз. Најпрво дипломира, а потоа освојува повеќе награди, истакнувајќи се на меѓународните конкурси. Ова се почетоците на неговата целосна посветеност на музиката.
Во 2001 година е ангажиран во „Bayerische Staatsoper“ во Минхен, во 2003 во „Semperoper“ во Дрезден. Ги интерпретира главните улоги  во најголемите опери низ целиот свет.

___________________________________________

Среда 13 јуни 2018, 17 часот | Француски институт во Скопје
Средба со г-дин Емануел Рембер и Емануел Ешт по нивното враќање од Маршот во знак на сеќавање „На магаре долж линијата на Македонскиот фронт“
Еден век подоцна, двајца патувачи, придружувани од водичот Петар Нолев, со магаре и мазга, појдоа по патот на борците на Македонскиот фронт од 1916 година: 240 километри пеш, од Битола до Солун. 
12 дена низ рововите на Македонскиот фронт, но и по стапките на Роберт Луис Стивенсон („Патување со магаре низ Севените“, 1879 год.) и поезијата на Френсис Џејмс (1868 - 1938). Патувачите водеа дневник во којшто ги опишаа најсилните мигови, доживувањата и историските случки по трасата.
Двајцата патници се Емануел Рембер, дипломат и автор на „Шапката на Баренц“ (ед. Magellan et compagnie, 2009), „Немирни денови во Либија“ (ед. Equateurs, 2014) и „Лотарингија“ (ед. Pierre-Guillaume de Roux, 2017), и Емануел Ешт, новинар (Les Echos, l’Express) и издавач (ед. „Perrin“).
Повелете на екслузивна средба со двајцата храбри патувачи веднаш по нивното враќање од овој долг марш!

___________________________________________

Празник на музиката
Францускиот институт му се придружува на одбележувањето на Празникот на музиката со поддршка на два концерти.

Четврток 21 јуни 2018, 20 часот | Пешачка улица Битола
Ди-џеј сет на Џон До
Француската Алијанса од Битола, долгогодишен партнер на манифестацијата Празник на музиката во овој град, за ова издание го покани познатиот музичар Џон До, којшто редовно настапува на француско-германската сцена од 2001 година наваму.
Настапувал заедно со некои од најголемите имиња на техно музиката, како Пол Ван Дајк и Мартин Шулц, а неговите миксови ќе ги разиграат присутните низ разновидни музички жанрови, од deep house до trance goa.
Не пропуштајте!

___________________________________________

Петок 22 јуни 2018, 20 часот | Градски стадион
Концерт на познатиот француски бенд „Nouvelle Vague“ во рамките на фестивалот „Skopje calling“
Nouvelle Vague е музичка група на Марк Колен и Оливие Либо, којашто прави преработки на класични изведби на познати нумери во боса нова верзија.
Всушност, new wave на англиски јазик значи нов бран, но и bossa nova на португалски се преведува со нов бран, нов тек.
Впрочем, и на француски јазик терминот nouvelle vague го означува светски познатиот уметнички тек од 60-тите години и го објаснува зачетокот на групата и неговиот гламурозна линија. Неколку уметници и пејачи, коишто денес се популарни, биле дел од оваа група, како што се Елоди Фреже, Камиј и Ванеса Паради.

* * *

Студирајте по особено ниски цени и добијте француска диплома!

* * *

Земете членска карта на медијатеката, станете привилегиран член на Францускиот институт во Скопје и искористете ги бројните поволности!